دافعت زوجة شقيق طارق العريان عن أصالة بعد مهاجمة زوجة العريان الأولي لها وقالت:” انتي يا هالة بتكلمي على ابنك طب خلي عندك دم انتي اللي طول عمرك رمياه وضيعتيه وجايه تتهمي اللي كانت مرات ابوه، والتحريض اللي دايما كنتي بتحرضيه عليها واللي كنتي بتعمليه، نسيتي ان كنتي ناسيه افكرك أصاله اول ماتجوزت طارق حاولت تصاحبك عشان خاطر عمر وانتي عملتي ايه واحده زيك بوظت نفسية ابنها وجاية دلوقتي تتكلمي
زوجة شقيق طارق العريان
وأضافت في تعليق كتبته على منشور هالة العتال زوجة العريان الأولي: أنا مرات أخو طارق غادة فكراني وياما شوفنا منك ومن اللي بتعمليه أصالة أشرف وأحسن ست طارق اتجوزها لكن هو مالوش في الطيب نصيب كان لازم يفضل معاكي عشان انتي زيه مش واحدة زي اصالة، لمي نفسك يا هالة واوعي تنسي نفسك وتحاولي تشهري نفسك على حساب أشرف وأطيب وأحن قلب في الدنيا اصالة، وهي كانت حرام في عيلة العريان لو خايفة وزعلانة على ابنك جربي كده هو هيرضي ييجي يعيش معاكي؟
هالة العتال تهاجم أصالة
وكانت هاجمت العتال أصالة عبر حسابها على موقع التواصل الإجتماعي فيس بوك وقالت: «دي أول مرة ممكن أرد فيها، الصورة قاسية عليكي، طيب أنا لما كنت بشوف ألف صورة، وابني مش موجود فيها، يا تري إحساسي كان إيه ؟»
وأضافت في بوست كتبته عبر حسابها الشخصي على موقع الفيسبوك: “كان أكتر من قاسي كان مقهور، طيب لما كنتي بتكتبي العائلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق، لكن ابني كان عنده أب واحد بس، وللأسف مش حقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون ذي ما انتي دلوقت، الجواز والحب والعشرة في تفاصيل محدش يقدر يعرفها، طيب مفكرتيش في يوم من الأيام أن ممكن الأب يشتري ابنه اللي من دمه، ويرفض الظلم، طيب مفكرتيش أن في نفسية ولد، ممكن تتدمر”.
تابعت: “طيب دلوقت أولادك زعلانين من الكسرة، طيب يتكلموا معه ليه لحد دلوقت، أرجوكي كفاية؛ في أولاد وأنا من حقي ادافع عن ابني اللي نفسيته بقيت مش حلوة، من كتر الحرب على أبوه، كفاية، بعد الانفصال اللي كنت بتمني استمرار ليكم وربنا يشهد عليه، بس ده نصيب، الأهم دلوقت الأولاد، كفاية تشهير في طارق، هو مش خاين وأنت عارفة ده كويس جدا والأهم من الراجل دلوقت الأولاد بس، بلاش نشوه الصورة، وهو حر وانتي عشتي معه ١٣سنة وأنا عشت ١٠سنين، ومعملتيش أي حاجة من دي عمري، لآن الأهم كان ابني مش أنا، أرجوكي كفاية من فضلك، لآن طارق أحسن أب في الدنيا مع أولاده وأنتي عارفة ده كويس”.
