غضب الفنان أحمد زاهر من تصرف احد المعجبين مع ابنته ليلى حيث حاول وضع يده على ظهرها أثناء التقاط صورة تذكارية حيث قال زاهر:”أنا عمري في حياتي ما بكسف حد، وعمري ما اتضايق من الجمهور لما يتصور معايا لأن ده حقه عليا لأنه اللي صنعني، ولكن كل اللي أنا بطلبه أن يبقى فيه شوية احترام، لو حد يجي يتصور مع بنتي أهلا وسهلا مفيش مشكلة بس ميحطش إيده على ضهرها قدامي وأنا المفروض أسكت وما انفعلش”.
أحمد زاهر
وقال الفنان احمد زاهر خلال اتصال هاتفي ببرنامج “الحكاية” المذاع على شاشة قناة mbc مصر ويقدمه الإعلامي عمرو أديب :”هو الجمهور يزعل مني إن أنا راجل بخاف على بنتي؟ والفيديو موجود على السوشيال ميديا أنا زعقت شوية قولتله عيب كدة، لو فيه أي أب مكاني كان ممكن يضربه، بس أنا علشان واجهة ومعروف وممكن حد يتخذني قدوة مينفعش يشوفني بتصرف تصرف يقلدني فيه”.
وتابع: “كل الحكاية إني اتعصبت شوية، وأخدتها وخرجت، وقولت الواحد بعد كدة هيمشي ببودي جاردات ولا إيه؟ ودي جملة خدوها بردو عليا، اللي عاوز يتصور يتفضل بس محدش يحط إيده على بنتي، الموضوع دة خط أحمر، المفروض منسلمش على بعض عشان كورونا، ودة مش تكبر أو انفعال على الجمهور وعمري ما اتكبرت على حد”.
